8:47 / 10:56 台北火車站 > 花蓮火車站 check in 蘋果樹民宿. 服務好似幾好, 又好似好混亂, 又話未到3:00 check in 時間, 可以替我們先放了行李上房, 但又俾我們入房. 唔理咁多啦, 天公造美, 好曬, 即刻搭火車去 池上. 同車站個小販買咗兩個飯盒便上車, 池上便當好出名, 有好多餸. 食唔哂.
12:06 / 14:06 花蓮 > 池上.
池上係屬於台東, 都要搭兩粒鐘車, 沿途欣賞花東的田野, 唔駛參加咩花東縱谷遊啊.
池上火車站都好靚. 好似個畫廊咁.
出咗車站, 即刻有個老伯兜租單車生意, 就像blog上看見的一樣, 無所謂啦, 就幫襯佢啦. NTD200 兩架, 唔駛担保, 任你幾時還車, D車又新, 香港梗係唔得啦.
其實我唔係好識踩. 又唔好意思叫老公租D公主型車 (個男嘅踩, 女嘅斎坐), 我真係好想靠自己實力踩去伯朗大道啊! 一心諗一路係自行車道, 應該冇車嘅, 但我錯了
自行車道嘅意思係馬路邊有條線俾單車行咁解, 媽呀! 我唯有手推架單車去到真係冇車嘅路先敢踩. 但條路都幾窄, 好驚, 架單車坐位高咗D, 隻腳唔係好掂到地, 一剎車個人就跌, 仆到個膝頭損哂, 然後將坐位較低D, 剎車都唔會跌, 但踩車就要努力多幾分啦, 好辛苦, 風又大, 逆風更辛苦, 心臟快爆炸, 要抖抖, 影吓相, 再努力.....其實由火車站經過大坡池去到伯朗大道, 都幾遠. 又再經過馬路先去到伯朗大道.....
唉! 終於來到啦! 
黑雲都隨即跟來
但我仍然踩得唔係好自然, 因為有好多人同單車, 我怕撞到人地, 結果戰戰競競咁踩到去天堂之路, 其實向直路再踩就到金城武之樹, 但天開始有一兩滴雨, 快走吧. Goodbye to this wonderful grassland
回程去番個馬路, 但就搵唔返條單車路, check 吓google map, 我地係一條直路去火車站方向, 唔經大坡池, 冇計, 唔想再番轉頭搵條單車路, 見條馬路(有自行車道
)都唔係好多車, 就頂硬上, 好彩條路係向下暗斜, 都踩得好舒服, 但條路真係好長, 好似永遠都未到咁, 好心急但又唔敢踩得太快, 因條路暗斜, 終於去到好多車嘅路口, 我決定兜入去橫路比較安全, 兜兜轉轉終於回到單車店
剛開了班車, 下一班 19:05 / 21:33 返花蓮, 便找了間小店吃飯, 第一次食真正台灣三杯雞, 佢地D蠔油唔同我地D蠔油味, 所以味道唔同, 有當地特式. 雞都好滑. 又平
留言列表
